Soulboost: January 2011

Monday, January 31, 2011

Krista Panna Kailawn - Ellen G. White (PDF)

THUHMAHRUAI

Khawngaihnaa chhandamtu, thinlung hmangaiha khatin ngilnei taka A sawmna ãw, “Ka hnênah lo kal ula,” tih chu, mi zawng zawng Pathian laka bote bengah chuan a ri thin a; mi tam tak, Isua hnên atanga tanpuina beisei tak takte rilruah chuan, he sawmna ãw hian Pa in thlen chu a nghahhlelhtîr lehzual a. Mahse hêng mîte tân hian Thoma’n a lo zawh tawh,“A kawng chu engtin nge kan hriat theih ang?” tih chu an zawh nawn fo a tûl thîn. Pa in chu hla tak, a kawngte chu a harsa leh fiah lo êm êmin a lang a. Chumi thlen theihna kawngte chu engte nge ni?He lehkhabu hian chumi kawng chu a hrilhfiah a ni. Isua chauh chu thlarau mamawh chhawmdãwl theitu leh ringhlelte leh kawng laka tângte “thlamuanna kawng” Kawhhmuhtu leh Hruaitu a nihzia a tilang a. Chu kawng zawngtute chu dikna leh rilru thianghlimna Kristian nundan kawngah chuan zawi zawiin a hruai a, mahni inpumpêka A khawngaihna avanga min Chhandamtu î-hê lova an rin a, misualte thian a ni fo tih hriatna malsawmna famkim an dawn thlengin a hruai thei a. He lehkhabua zirtîrna hian thlarau lungngai tam

takte chu an hruaitu Pathian kawngah chuan nghet zâwk leh hlim zâwkin a kaltîr tawh thîn a. Mi tam tak, chutianga tanpui ngaite hnênah chuan tanpuina thu a thlen beisei a ni.

Inpekna Kimah Lawm a Kim thin......: Marrte

Thahnemngaihnain a hrinchhuah lian tak pakhat chu inpekna a ni. Eng kawngah pawh eng thil pawh ti ila, thahnemngai hlein insawi mah ila, a taka kan hlen chhuah loh chuan dawt sawia ngaih kan ni tho vang. Kan insawi anga kan lanchhuah theih nan a taka chet chhuah ngei a ngai tih hre mah ila, inpekna tel lo chuan a lo thlen thui theih chuang meuh loh.

Miin, inpe taka a thawh chuan, a malsawmna dawnah pawh kan thil thei hauh lo vang. Eizawnna a ni emaw, Kohhran thil a ni emaw, khawtlang huapa chet chhuahnaah emaw pawh ni se, inpekna tel lo hma lakna chu lungawi lohna thlentu mai a ni. Inpe taka thawktu chungah lungawi lohna a thleng ve ngai lo. Lungawi lo, sawi nawi tur hre reng mai chi kan nih chuan kan thil tihah kan inpe tawk lo a lo ni thin.

THE GREATEST LOVE............ :Marrte

'Mihringin a thian aia a nun a paih aliama hmangaihna nasa zawk tuman an nei lo. Thu ka pek apiang che u in tih chuan ka thiante in ni ang'. (Johana 15:13,14.) He changah hian Isua chuan a zirtirte chu a thupekte pawimawh zia hrilh hre turin tawngkam zaidam leh nelawm tak a hmang a. Anmahni a hmangaih zia leh an tana a thil tihsak zawng zawngte chu tehkhin thu hmangin a hriat nawn tir leh a ni. Midang hnena cheng za pe tur emaw, cheng sangkhat pe tur emaw, a ba zawng zawng tlak sak tur emaw chuan hmangaihna chak leh thiltithei tak a ngai ngei ang. Lal tana kutdawh rethei tak hnena a khawpui pek tawp mai emaw - a lalram leh a khua leh tui zawng zawng hlan vek mai pawh han ngaihtuah chhin la a mak hle ang le.

EVANGELISM ........: - Marrte

Isua anga chhiahhlawh-hruaitu te hian tu rawng nge an bawl tih hi an hriat reng a ngai. Chhiahhlawh-hruaitu chungchangah hian hruaitu chuan tu rawng nge a bawl tihah hriatchian loh engemaw a awm thin a. Thlarau lama hruaitute chu an mite chhiahhlawh ni lovin Pathian chhiahhlawh an ni zawk. Hruaitu ni chunga chhiahhlawh nih chungchang sawihonaah hian Isuan a zirtirte ke a sil sak kha sawi lan a ni fo a, a âwm rêng bawk a. Mahse Bible chuan Isuan hetiang thil a tih thu hi vawikhat chauh a tarlang a. Isua kha a zirtirte chhiahhlawh ni se chuan an ke kha zantin a sil sak thin ang a, Petera'n a ke chu sil sak ve lo tura a ngen pawh khân a remti ngei ang. Mahse Isua chuan amah zuitute chu an duhzawng tihpuitlinsak a tum lova; a pain a phut ang chu pek a tum zawk.

Back to Origin

“Tunah tho la, he ram ata hi chhuak la, i pianna ramah chuan haw leh tawh rawh” Gen. 31:13

A tirah Pathianin mihringte asiam khan Amah ang takin, tha famkimin, an tana a siam bik huanah, thei rah chaw a ringin a dah a. Genesis ziak ah te kan en chuan, kan nu leh pa hmasa te kha an hriselin an hlim em em a, tin, ransa leh thilnung tinreng ten nen hlim takin huan ah khan an awmho a. Tlaiah an siamtu Pathian nen huanah chuan an inkawm ho thin tih kan hmu a. “Tin, Pathianin a thil siam tinreng chu a en a, ngai teh, tha a ti em em a.” tiin Gen 1:13 ah kan hmu a, hei hian sual kailo an nihzia a tilang chiang hle.

Sakawlh Leh UID - Pastor Dr. P.L. Biakchhawna (PDF)

UID hi sakawlh CHhinchhiahna a ni em? Sakawlh chhinchhiahna hi engtia neih tur nge? Kutah emaw, chalah emaw chhinchhiah tih awmzia hi engnge ni? Sakawlh hi tunge ni? Antiochus Epiphanes IV kha Sakawlh a ni em? Nero kha Sakawlh a ni em? Diocletian kha Sakawlh a ni em? Sakawlh hi engtik huna lo chhuak tur nge? Mithianghlim lawr hmain nge lawr hnuah? Europe ramte an inzawm khawm leh dawn em? Pathian Chhinchhiahna hi enge ni? Sakawlh hliam dam leh hi tunge? Sakawlh dang lei atanga lo chhuak, beram no ki ang ki pahnih neih hi enge ni? Dan bawhchhepa lo lanna daltu kha enge?

Heng i zawhna chhannate hi he lekhabu chhungah hian a awm e.

Download Link: Sakawlh Leh UID

Van tem lawkna duhawm ber chu: Chhungkua chu Pathian thuin a sawi ang chiah hi ni mai sela. Lei Eden tenau, inawpbehna hmun ni lova, hmangaihna in ro a relna hmun ni zawk se. Kan hlimna chu heng hmangaihna te, inlainatna te leh chhungkaw inzah der tawnna dik tak neihnaah hian a innghat a ni.

Download Link : Kristian Chhungkua - EG White

Free DVDs

Heng a hnuai ami Video(s) te hi duh leh mamawh in awm chuan in mailing address kimchang tak ziakin in rawn comment dawn nia. Thlakhat dawn te pawh nghah a ngai maithei a nia, mahse a duhtu te chu tumah thawn loh in awm lo ang. Tin, a vaia in duh pawhin, inthlahrung lo ula.

Vengte Hmangaihna

VENGTE HMANGAIHNA

“Tin, an zinga mi pakhat, dan hretuin, “Zirtirtu, Dan thuah chuan eng thupek hi nge ropui ber?” tiin amah fiah nan thu a zawt a. Tin, ani chuan a hnenah, “Lalpa, i Pathian chu i thinlung zawng zawngin, i thlarau zawng zawngin i rilru zawng zawngin i hmangaih tur a ni,’ tih hi. Chu chu thu pek ropui leh pawimawh ber a ni. Tin, a dawttu, a anpui chu hei hi a ni, ‘Nangmah i inhmangaih angin i vengte pawh i hmangaih tur a ni,’ tih hi. Chung thupek pahnihah chuan dan thu leh zawlneite thu zawng zawng a inkhaikhawm vek a ni,” a ti a.” (Mat 22:35-40).

Welcome!!!

He blog hi a bik takin keini thalaiten Pathian, a hma aia kan lo ngaihsak lehzual zawk theih na tur atana buatsaih a ni. User ten mahni thalai puite tana pawimawh leh nun kawng dika min hruai thei tur; Bible kal pel lo thu leh hla in share tawn nan kan hmang theuh dawn nia. A duh tan Pathian thu a sermon/thusawi/thuziah inzir nante pawh a theih vek ani tih kha kan hre bawk dawn nia. (Article post ve duh chuan ka Facebook Account 'Hmingtea Ralte' ah emaw "Shoutbox ah hian in email ID min lo hrilh dawn nia). Midang post reng reng a rilrute zawng leh tang laklawh ang zawng a reply kha a rem lo ang. Midang post kan hnial duh anih chuan "An ti" tih ni lo in, "Bible ah chuan" tih in a changte nen tarlan chauh in hnial theih a ni ang. Tin, post tangkai lo leh shoutbox a thil tul lo post/sawi vak vak i ching lo ang u Tangkai taka he blog hi kan hman theuh theih nan Pathianin malsawm theuh che u rawh se.

Hmingsanga

Soulboost

Notice