Khawngaihna Lantirna chu.............:Marrte

Johana bung 4:1-26 hi han chhiar ila, he chanchinah hian thil tam tak a awm avangin Isua khawngaihna hrethiam tur chuan an chanchin hlui chiang taka hriat a ngai a ni. Hma atang tawhin Juda leh Samari mite hi an inhaw hle a ni tih chu kan hre theuh awm e. A chhan ni ber a lang chu hmanlaiin Juda hovin Samari mite ram duhlai an neih sak vang a ni a. Chuvang chuan an indova, thisen tam tak a luan phah hial a ni . Hei buaina chanchin hi chu 2 Lalte: 17 ah khan a inziak a, hriat chian duh chuan a chhiar thei ang. Engpawhnise, kan sawi tak chin atang hian Juda leh samari mite chu hmelma an ni kan ti theih ang. Juda hnam dan ang chuan Isua khan Samari Hmeichhia kha engahmah a ngaih loh pawhin a chungah khan rawng takin a che tura ngaih a ni a. Mahse chutiang chuan a ti hauh lo. A dawt lehah chuan, Isua kha Pathian a ni a, Pathian chuan uirena a ngai thei lova, a hua a ni. He Samari Hmeichhia hi uirenu a ni a, chu chu a simthei tawh lo. Isua’n chu chu a hria a, a hnenah a sawi chhuak ta reng a ni. Mahse Isua chuan thuin a sawipui ringawt lo. Enganga dik lo nge anih tih pawh sawi a tum hek lo. Misual a ni tih a inhria a, chumi hriattir chu Isua tan chuan a tawk em em a ni. He inkawmnaah hian Isuan thiam loh chantir si lova tunge anih tih he Hmeichhia a inhmuhchhuah tir dan hi chhinchiah a vawng reng atan a tha a ni. A khawsak phung hi Pathian thutak nen a inmil lo tih Isua hian hre reng mahse, dan leh thupek hmangin a bei ve chiam lova. A thu hmangin a hmangaih mai a ni. Chu chu Isua’n khawngaihna a lantirna chu a ni. Isua chu Juda mi anih avangin, Samari Hmeichhia hi a haw hle thei a, a uire nasat tawh em avangin thiam loh a chantir thei bawk, mahse chutiang chuan a ti lo ve ve a, a tawpah chuan Hmeichhia chu a hneh ta a ni