Why Suicide?

Why Suicide?

    Mahni in that te kan hriat changte hian rilru ah ngaihtuah na lo in siam in “Ngatinge hetiang in a tih duh mai le?” “A van beidawng awm ve aw...” te ka ti a, then khat in “Pa loh thlak emai” te an lo ti ve bawk a, chhan tam tak ah chuan an lo nun thin dan (character) te kan puh mawh thin a. Dik na lai chen chu a awm theuh mai mahse mahni in ti hlum ni lo natna a thi tam tak te pawh hi 'mahni in that' an ni thei ve tho tih kan hria em aw?

    A bik takin Mizo te hi ei leh in ah kan fimkhur lo em em a, kan hmuh apiang kan ei in tui kan ti em em thei vek mai bawk a. Ei leh in hrisel lo leh zuk leh hmuam te hi tam takin a that loh na te hre reng chhung si in, a tui an tihna vang ringawt in taksa in tuar mahse insum an tum lem lo. Thenkhat in Bible thu “Kaa lut chu mihring tibawlhhlawhtu a ni lo va; kaa chhuak chu, chu ngei chu mihring tibawlhhlawhtu a ni zawk e” (Mathaia 15:11) tih tan chhan in “Kan ei leh in hian min tibawlhhlawh in min ti chhe lo e” an ti thin. Min tibawlhlawh in min ti chhe lo chu lo ni ta tak tak se chuan cancer leh natna tam tak thleng te hi zuk leh hmuam vangte leh ei leh in uluk loh vangte a awm thei a ni tih mithiam zawk ten an sawi hi a dik lo tihna a ni dawn a ni. Kaa lut in mi a tihbawlhhlawh theih zia ti langchiang leh tu pakaht chu sawrkar hriatpuina a hetiang ei leh in lam reng reng thil siam chhuak thinte chuan an thil siam kawm/kawr ah an thil siamchhuahte ei leh in atan a hlauhawm a ni tih an ziak lang kher thin. Bible chang kan chhiarte hian sentence khat chauh chhiar in thuthluk na te siam nghal mai lo ang u, a thu hma lam leh hnu lam te, engtik hunlaia sawi nge tihte, tute hnen sawi nge a nih tihte leh mahni in thuthlukna siam mai lo in midangte rawnin tawngtaina nen kan chhiar thin tur a ni.

    “Tui mal far te te, tiau vut hrang awm khawm; tuipui lian a tlin in, ram nuam alo awm” kan tih thin ang hian thil tha lo kan ei leh in vang hian vawi leh khat ah kan chhiatpui nghal lem lo a, mahse tlem te te in kan taksa chhungah lo in khawlkhawm in kan taksa alo chak loh phah hret hret zel a. A tawp ah phei chuan natna lian tak lo siam chhuak in thih na hial a lo thlen phah ta thin a ni. Hetianga thihna tawk te hi sar thi an ni lo a, tuma thah an ni bawk lo. An mahni leh an mahni an in that a ni. An ka in tui a tih leh an pum duh zawng chauh ngaihtuah in, thil tha lo tih an hriat reng te pawh an ti lui zel a, an nunna in a tuar phah ta thin a, an thih na ah hian an mahni lo chu mawhphur tur dang an awm chuang lo.

    Hetiang anih lai hian hriat loh na avanga ei leh in uluk lo tak te pawh an awm bawk. Chunghote hrilh leh tihhmuh chu keini, zuk leh hmuam that lo zia te ruih theih thil that lo na te leh ei leh in fimkhur tul zia hre tawh te hian hrilh hriat hi kan tih tur a ni a, Chanchin Tha kan hril na lamah te leh pulpit chunga leh hmu dang dang a kan thusawi thin te hian kan mihring puite mahni leh mahni an in ti thlum mai tur hi I veng theuh ang u. Pathian hian mitin te hi a rawng bawl tur in min duh a, mahse a tam zawk te hi chu kan ei leh in, zuk leh hmuam chin tha lo te avang hrisel loh na leh naten min tlakbuak in A rawngbawl tlak loh a kan in chhuah thin a ni. Pathianin a duh ang nge a min hman theih nan kan taksa te hi thianghlim tak in I vawng ang u.