Show Your Love

Show Your Love

     Mihringte hian hmangaih kan neih ten min hmangaih let ve loh hian kan lung awi lo in hrehawm te kan ti a, hmangaih duh tawh lohna ah te kan tlak fo thin. Keini thalai ho te phei chu kan duh deuh leh hmangaih tak ten min han duh let in min han hmangaih let ve loh hi chuan hrehawm ka ti thin a. Hmangaihna hi hmangaihna vek a chhan let anih chiah hian alo famkim in thil nuam zawk alo thleng ta thin a ni.

     Siamtu hian min hmangaih em em a, min hmangaihna avangin kan tan; Ama tihsual pakhatmah pawh awm si lo in, chhandam kan nih theih nan a nun a rawn pe hial a. Chutiang ema mi hmangaih tu chuan hmangaih let a phut ve ngei ang tih chu rinhlehawm a ni lo. Amah hmangaih let nachang hre lo te pawh tamtak chuan “Tun thlengin dam in an la awm ve reng alawm, Amah hmangaih letna chang hre lo te pawh a mifel te ang tho in A hmangaih tho a, A hmangaihna hi chu mihringte hmangaihna ang ni lo in a let A phut ve lo” ti ten sawi kan lo awm thin. He thu ah hian dik lai chu awm mahse a dik tluantling lo a ni. Kan hriatreng tur chu, Pathian hian mihringte ni lo in, mihringte Amah hmangaih let nachhang hre lo a siamtu 'sual' hi ni a hmangaih ve loh chu. Min Siamtu hian hmangaih let A phut tih kan hriatchian theihna ber chu A lo kal lehna chhanchin hi a ni. Hemi hun alo thlen hunah chuan, Amah hmangaih let ve lo hote chu A ti boral dawn tih te Bible atanga kan hmuh hian, kan Pathian hian hmangaih let a phut ve tih chu chiang tak in a lang thei a ni.

     Anih chuan engtin nge kan hmangaih let ve tak ang le? Mihring anga taksa nei leh khawih theih in a awm ve si lo a! Bible in “Pathian kan hmangaihna chu hei hi a ni, a thupekte kan zawm hi; a thupekte chu a khirh si lo va.” ( I Johana 5:3) tia min hrilh ang hian Pathian kan hmangiah let ve theih dan kawng alo sawi a ni. Helaiah hian 'thupekte' a tih tlat avang hian pakhat mah thlauhthlak bik A nei lo tih a hriat theih a ni. Tunlai ah thenkhat chuan Rom 13:8-10 ah leh ziak dang dang a dan zawh famkimna Pathian thu in a sawi “vengte hmangaihna” chauh hi la liani “Ka mihringpuite ka hmangiah chuan dan dangte hi a pawimawh lo ve, Isuan dan zawh kim ah min puang tawh a lawm” te an ti thin a. Dik ni ta se kan vela sakhaw dang milem be ho te leh pathian dang nei ho te pawh hian kan Pathian hi an hmangiah in A Dante chu an zawh kim ve vek tihna a ni dawn tlat. Kristian ho ai mah in mihringpuite hmangaihna hi an uar zawk si a. Buddhist te leh Sai Baba pawlte phei chu an thupui ber pakhat 'Oneness' tih te hi vengte hmangaihna chu a ni ve tho sia, an milem biakte leh pathian dang an neih na te hi “vengte hmangiahna” an neih avang khan kan hmuh kan sak leh bawk si lo. Kan hmuh kan theih loh nachhan chu thusawm pek ah “Milem be suh” tih kan rilru a kan hriat tlat vang a ni a, an mihringpuite an hmangaihna ringawt kha Kristiante Pathian an hmangaih vang leh Dan an zawh kim na chu a ni lo tih a chiang a ni.

     Pathian thuah “Tupawhin Dan zawm kim mah sela, kawng khata a tihsual si chuan a zaah chuan thiam loh changin a awm tawh a ni.” (Jakoba 2:10) a lo ti ve bawk a, chuvang chuan Pathian kan hmangiahna tih famkim na tur chuan A dante kan zawm kim vek a ngai tih chu kan hre thei awm e. Tin, duhamna te leh luhlul nate hi milem biakna chikhat a ni tih te leh midang kan ngaihmelh ringawtte leh nupui pasal inmakna te pawh hi uire na sual a ni tih I hre thar leh ang u. (Kolossa 3:5; I Samuela 15:23; Mathaia 5:28,32).

     Min Hmangaihtu chu A duh ang taka kan hmangaih let ve theih nan, I Johana 5:3 in alo sawi angin A thupek te I ngaipawimawh ang u!

     Lalpa'n chhiartute zawng zawng malsawm che u rawh se! Amen!